News & Announcements

Sangguniang Kabataan Nipahigayon og
Sesyon Didto sa SNCAT-IMSF

Niadtong Sabado, Nobyembre 22, 2008, ala-una sa hapon nipahigayon sa ilang regular monthly session ang SANGUNIANG KABATAAN (SK) FEDERATION nga gipanguluhan sa atong maabtik nga SK Federated President/City Councilor nga mao si Hon. Vanessa Dianne K. Pecho uban sa 54 ka mga SK chairperson ning atong syudad didto sa Surigao del Norte College of Agriculture and Technology-Institute of Marine Science and Fisheries (SNCAT-IMSF) Surigao City Campus, Brgy. Day-asan, Surigao City.

Si Dr. Wilfredo C. Tiu, College Administrator II sa SNCAT nipadayag og mensahe aron masabtan og mapaabot sa kada Barangay ning atong syudad ang mga programa ubos sa pagdumala sa Technical Education and Skills Development Authority (TESDA) pinaagi sa lima niini ka SNCAT Campuses. Dugang pa niini, si Dr. Tiu nipahibalo sa scholarship program sa LGU-Surigao City ubos sa buhatan ni Mayor Alfonso S. Casurra nga naghatag ug opurtunidad sa mga out-of-school youth, mga kababaihan, dropped out sa degree courses ug mga poor but deserving student ning syudad nga maka-eskwela nan free tuition sa SNCAT-IMSF Surigao City Campus.

Ang kadumalahan sa SNCAT-IMSF pinaagi ni Dr. Wilfredo C. Tiu mapasalamaton sa SANGUNIANG KABATAAN (SK) FEDERATION sa usa ka malampuson niini nga kalihukan.